Software

Softwara (mjechka twora) je cyłk wšitkich programow, kotrež so na jednym ličaku, abo powšitkownje na jednej hardware zasadźić hodźa. Rozeznawa so systemowa softwara (dźěłowy system) a nałožowanska softwara (tež aplikaciska softwara; na př. Microsoft Office). K systemowym softwaram liča wšitke programy, kotrež za korektny wotběh jedneho ličaka zamołwići su, kaž tež wšitke programy, kotrež wuwiwanje programow podpěraja (přełožowar a programy za testowanje) a powšitkowne słužby poskićeja (na př. formatěrowanje a particioněrowanje składowacych medijow). Nałožowanska softwara słuži k rozrisanju wužiwarskich problemow, kaž na př. ličenju komplikowanych formulow, wobźěłanju wobrazow abo tež słuchanju hudźby. Prefiks "Soft" zwuraznja, zo so při software wo lochko přeměnjomne komponenty jedneho ličaka jedna.

Softwara hodźi so jako powšitkownje zasadźojomny grat za wužiwarja wuwić abo so na rozrisanje specielnych problematikow wusměrić. Tak rozeznawaja so wšelake družiny softwary po jeje wusměrjenju:

• dźěłowe graty: na př. tabulkowa kalkulacija, tekstowe wobdźěłanje, prezentacija atd.
• softwara za zawodne funkcije: na př. rjadowanje materiala, produkcija, předawanje, zličbowarstwo, rjadowanje personala atd.
• branžowa softwara: na př. za twarske, wikowanske abo rjemjelsniske přemysło
• uniwersalna softwara: na př. standardna softwara za zawodne funkcije, wotběhi, platformy a procesy

Tutón nastawk njeje hišće dospołny. Móžeš nam pomhać z tym, zo jón změniš a wudospołniš Jeli nastawk ma wjace hač jedyn njedostatk, wužiwaj prošu předłohu {{Rq}}. Nimo toho so awtomatisce kategorija Kategorija:Zarodk doda.